ജാമിഅഃ നൂരിയ്യഃ ഫൈനല്‍ പരീക്ഷ; ആലത്തൂര്‍പടി ദര്‍സിന് വീണ്ടും റാങ്കിന്‍ തിളക്കം

പട്ടിക്കാട് ജാമിഅഃ നൂരിയ്യഃ യുടെ 2015 - 16 അധ്യയന വര്‍ഷത്തെ ഫൈനല്‍ പരീക്ഷയില്‍ ഒന്നും മൂന്നും റാങ്കുകള്‍ നേടി ആലത്തൂര്‍പടി ദര്‍സ് വിദ്യാര്‍ത്ഥികള്‍. പ്രമുഖ പണ്ഡിതനും സൂഫീവര്യനുമായ ശൈഖുനാ അരിപ്ര സഈദ് മുസ്‌ലിയാരുടെ മകന്‍ മുഹമ്മദ് സ്വലാഹുദ്ദീന്‍ ഫൈസിയാണ് ഒന്നാം റാങ്ക് നേടിയത്. മലപ്പുറം വലിയങ്ങാടി സ്വദേശി പരേതനായ കൂത്രാടന്‍ സലീമിന്റെ മകന്‍ മുഹമ്മദ് സമീര്‍ ഫൈസിയാണ് മൂന്നാം റാങ്കിനര്‍ഹനായത്. ഇരുവരും ഹൈദരാബാദ് നിസാമിയ്യഃ യൂണിവേഴ്‌സിറ്റിയില്‍ നിന്ന് 'നിസാമി' ബിരുദം നേടിയവരാണ്.

ഇതിന് മുമ്പും ജാമിഅഃ നൂരിയ്യഃ വാര്‍ഷികപ്പരീക്ഷയില്‍ ദര്‍സിലെ വിദ്യാര്‍ത്ഥികള്‍ റാങ്ക് ജേതാക്കളായിട്ടുണ്ട്.

എം.ടി അബ്ദുശ്ശുകൂര്‍ ഫൈസി പനങ്ങാങ്ങര(1/2003), സി.കെ മുഹമ്മദ് ഫൈസി അരിപ്ര, അബ്ദുല്‍ ഹമീദ് ഫൈസി പാതിരമണ്ണ(1,2/2007), അബ്ദുസ്സലാം ഫൈസി ചോളോട്, യൂസുഫ് ഫൈസി എടക്കഴിയൂര്‍(1,2/2010), മുഹമ്മദ് ശരീഫ് ഫൈസി തൃക്കരിപ്പൂര്‍(1/2011), മുഹമ്മദ് ശരീഫ് ഫൈസി കുളത്തൂര്‍, മുഹമ്മദ് സാലിം ഫൈസി പാതിരമണ്ണ(1,3/2012), മുഹമ്മദ് നൗഫല്‍ ഫൈസി പറപ്പൂര്‍(3/2014), ഹബീബ് ഫൈസി പാതിരമണ്ണ, മുഹമ്മദ് യൂനുസ് ഫൈസി പനങ്ങാങ്ങര(1,3/2015).